كود سبور//
المنتخب الجزائري النسوي مرتاح فالمغرب اللي جا يلعب فيه كاس افريقيا للسيدات.
الجزائريات ماخاصهم حتى خير فحالا راهم فبلادهم واحسن گاع خصوصا وانهم تأهلو لاول مرة فتاريخهم لربع النهائي.
وبعدما دوزو دور المجموعات بمدينة الدار البيضاء اللي كانو كايلعبو فيها ماتشات المجموعة الثانية فتيران العربي الزاولي، وجاو هما الثانيين فالگروب ديالهم، غايمشيو المنتخب الجزائري لمدينة بركان باش يلعبو مع منتخب غانا فربع النهائي.
وغايگلسو منتخب الجزائر بمدينة السعيدية، وغايوجدو مع ريوسهم للماتش اللي غايكون ضد منتخب غانا يوم السبت المقبل فالتيران البلدي فبركان.