التلفزيون ديال فرنسا فقد واحد من الرموز ديالو.. تييري أرديسون مات

وكالات//

توفّى مقدم البرامج والمنتج الفرنسي المعروف تييري أرديسون، البارح الاثنين فباريس، عن عمر 76 عام، بعدما تدهورات حالتُو بسبب مضاعفات سرطان الكبد، حسب ما أعلنت مراتو وولادو فبلاغ لوكالة فرانس برس.

مراتو أودري كريسبو-مارا، اللي هي صحافية فالقناة الفرنسية”TF1″، كتبت: “توفّى تييري كيفاش عاش، راجل شجاع وحر. أنا وولادو وولادي كنا مجموعين معاه حتى لآخر نفس”.

تييري أرديسون تزاد نهار 6 يناير 1949 فمدينة بورغانوف فإقليم كروز اللي فوسط فرنسا. بدا مسيرتو فمجال الإشهار، ومن بعد دخل لعالم التلفزيون.

ومنذ الثمانينات، بدّل بزاف فالمشهد التلفزيوني، وبان كواحد من أجرأ الشخصيات فالساحة، بفضل البرامج الحوارية ديالو اللي كانت ناجحة بزاف خصوصًا فالمساء.

إقرأ الخبر من مصدره