وكالات//
توفّى العداء الأسطوري فوجا سينغ، اللي كان معروف بأنه أكبر عداء ماراثون فالعالم، عن عمر يناهز 114 عام، من بعد ما دار كسيدة فدوّارو “بياس بيند” اللي كاين فولاية البنجاب فالهند، حسب ما ذكراتو صحيفة “ديلي ميل” البريطانية.
وحسب التقارير، فوجا سينغ، اللي كان رياضي بريطاني وقدوة للملايين خصوصاً بعدما بدا يجري فسباقات الماراثون بعد ما فات المية، صدماتو طوموبيل نهار الاثنين اللي فات وهو قاطع الطريق، وتعرض لإصابات خطيرة تسببات فوفاتو.
نادي الجري والجمعية الخيرية Sikhs In The City اللي كاينة فشرق لندن، أكدو الخبر، ووصفو العداء بأنه “رمز للإنسانية ومصدر للطاقة الإيجابية ..”. واعلنو أن جميع الأنشطة الجاية ديالهم غادي تكون تكريم لحياتو، وغادي يضاعفو المجهودات ديالهم باش يجمعو تبرعات لبناء “نادي فوجا سينغ” فطريق التدريب اللي كان كيتمرن فيه فإلفورد، بلندن.