وكالات//
نايضة على عارضة الأزياء الميريكانية كيم كارداشيان موجة ضحك وتفاعل كبير فمواقع التواصل، بعدما عاودات نشر فيديو ساخر صمّمو واحد من المعجبين باستعمال الذكاء الاصطناعي، كيبان فيه أنها “كتسرق” حقيبة من نوع هيرميس بيركين الأصلية، اللي تْباعت مؤخراً فمزاد “سوذبيز” بـ10 مليون دولار.
الفيديو، اللي تنشر على واحد الحساب الساخر فـ إنستغرام، كيورّي نسخة رقمية من كيم (عندها 44 عام) كتحطّم الزجاج اللي كاين فقاعة العرض وكتخطف الصاك النادر وكتخرج هربانة، فمشهد كيهضر بطريقة فكاهية على الهوس الكبير اللي كاين فالعالم على هاد النوع من الحقائب الفخمة، اللي ولات رمز ديال الفلوس والبريستيج.
https://www.instagram.com/p/DMAPfXNt_Z7/?utm_source=ig_embed&ig_rid=7df6a0ef-3f04-4571-a6e2-b8066edd4090
هاد الصاك سميتو جاية من اسم الفنانة والمغنية البريطانية جين بيركين، اللي كانت من رموز الموضة فالعالم. وكثير من الناس تعرفو عليها من خلال مسلسلات بحال “Sex and the City”، وبالضبط شخصية سامانثا اللي كانت كتقلب باش تجيب وحدة منها باش تبان فالعالم ديال الأناقة والطبقة الراقية.