كود الرباط//
علمت “كود” من مصدر مطلع أن لقاء رؤساء فرق الأغلبية البرلمانية بمجلس النواب، صباح اليوم، عرف نقاش مستفيض حول أسباب النزوح الجماعي للشباب المغاربة نحو معبر سبتة باش يحركو.
وكشفت مصادر “كود” بلي جميع رؤساء الفرق البرلمانية ديال الاغلبية متفقين بلي كاينا ايادي خفية وراء هجوم الحراگة على سبتة، بل ذهب بعضهم إلى اتهام مخابرات الجزائر بتحريك عدد من الصفحات على مواقع السوشل ميديا لترويج أخبار زائفة وتحريض الشباب المغاربة على الهجوم على سبتة وتنظيم مسيرات احتجاجية.
لكن رئيس فريق فالأغلبية قال لـ”كود” بلي فعلا هادشي قلنا ولكن مزال معندناش معطيات وكنتسناو بلاغ الحكومة غذا فاجتماع المجلس الحكومي ونطالعو على المعطيات.
وأوضح رئيس الفريق الذي فضل عدم ذكر اسمه وصفته، بلي ميمكنش نشوفو اطفال عندهم 6 او 7 سنوات غاديين يحركو هنا كاين مشكل كبير، اضافة إلى ان عدد من الحراكة الجزائريين معرفناش شكون فيهم لي خدام مع المخابرات الجزائرية.
وفي نفس شدد المصدر نفسه بلي فالاجتماع قلنا بشكل واضح كاينا عدة أسباب كتخلي شبابنا يمشي يغامر ويحرك ومنها هادي كثر من 10 سنين فين وصل التعليم وفين تقييم السياسات العمومية، وزيد عليها ما ينشر في السوشل ميديا من تيئيس للشباب كأن المغرب غير صالح للعيش وهذا غير صحيح، موضحا :”هادي بلادنا فيها نواقص ولكن راها ماشي جحيم، والمغرب فيه فرص وبزاف ديال الشباب كيشتغلو ودايرين مشاريع وميمكنش نقولو الاغلبية راه غير راضيين كاع على بلادهم”.
