كود الرباط//
ناضت قبيلات، فلجنة المالئة والتنمية الاقتصادية، أثناء المناقشة التفصيلية لمشروع قانون المالية 2025، بسبب رفض فريق حزب الأصالة والمعاصرة، تصوير مداخلة عبد الله بوانو، رئيس مجموعة البي جي دي.
https://www.facebook.com/share/v/XyZR9H1xFn8pvR2x/
التناقض لي وقع فيه البام، هو انه فالصباح فاش كانت مداخلات الاغلبية مطالب بمنع تصوير وتسجيل المداخلات، ولكن فاش شد بوانو الكلمة تدخل البرلماني عادل البيطار، للي هو صوت البام فمناقشة مشروع قانون المالية، وطالب بايقاف عملية تصوير مداخلة بوانو.
الواقعة الغريبة، تعجبو ليها الصحفيين، كيفاش هاد البرلماني منزعج من مداخلة بوانو ومبغاش تنتشر فاليوتيب. مع العلم فقوانين مالية سابقة وفظل نظام داخلي كينع العلنية، كان هشام المهاجري كيصور المداخلة ديالو ويبثها فالفايسبوك، وكاينين برلمانيين اخرين كيديرو نفس الشيء.
يلا نسا هاد البرلماني نذكروه بلي برلمانيو التراكتور عن اول وحدين كيتصورو المداخلات.
بوانو كيف كولشي كيعرف بلي باغي يدير الشعبوية والبروباغندا وترويج نفس الخطاب ديال زواج المال والسلطة، ولكن محاولة المنع ديالو راه غير كيعطيوه البام بيلانتيات.
الغباء السياسي لفريق البام، هو انهم عطاو كادو لبوانو يتبورد على الحكومة ويدير لايف، فقط حيث عندو الحصانة.
