وكالات//
مكينش شي موقع ميريكاني مكيهضرش على الموقف الحرج لي وقعات فيه الممثلة المشهورة سلمة حايك، بسبب الممثلة والمنتجة والنجمة العالمية نيكول كيدمان.
هادشي وقع في واحد الحفلة خاصة بالماركة ديال راجلها المشهورة لي كانت بمناسبة أسبوع الموضة في باريس.
والناس كلها شافت الطريقة باش دفعات نيكول كيدمان سلمى حايك، بعدما طلبات هاد الأخيرة منها أنها تتصور معاها.
وعلى حساب ماقال موقع Page Six لي كيتبع أخبار المشاهير، بناء على واحد خبير فقراءة حركات الفم، فنيكول كيدمان قالت لسلمى حايك “ماتقيسينس”، وهو شي لي خلا حايك مصدومة كيفما كيبان في الفيديو.
