ميمتي تزاد في ثمن البوطة.
مي يا مي تزاد اليوم في ثمن البوطة
ديك اللي كدام الحوانت بالسناسل مربوطة
ظنيتها مسطية مجدوبة مليوطة
عنداكم فزكو الما ورشو عليها بالفوطة
صبحت اليوم دافعة علي كبير بحال السوطة
غادية تولي عندي في الكوزينة برانية ملكوطة
طلع لي الكاز وهي علي ديما مشروطة
ما نبقى نشوف فيها وخلي مها تبقى محطوطة
وقت آخنوش هذا ماشي الرحالة ابن بطوطة
زمان عدي هذا وعيشتنا معاه غادية مغلوطة
عذبنا آخنوش بالزيادات وكرشنا ولات مخروطة
ما بقات شهية واخ الماكلة فوق الطبلة محطوطة
حالنا يا حالنا تلف لينا الري وولينا بحال الكطوطة
وولات عيوطنا اشعار لا لحن مزيناه…