نجوى المالحي- كود//
ابتداء من اليوم 14 فبراير وحتال فاتح مارس غادي تبدا الدورة 30 من أسابيع الفيلم الأوروبي لي غادي يجول المغرب في 4 ديال المدن هي كازا والرباط ومراكش وطنجة.
هاد التظاهرة السينمائية كتشجع المواطنين باش يمشيو يتفرجو فآخر الأفلام الأوروبية بأثمنة جد مناسبة، الباص ديال سيمانة بـ50 درهم والطلبة بـ25 درهم.
التظاهرة السينمائية غادي تبدا فكازا من 14 حتال 21 فبراير، وكتقتارح على الجمهور فيلم فالنهار طيلة السيمانة.
الافتتاح اليوم غادي يكون فسينما لوتيسيا غادي يكون بفيلم Anatomie d’une chute لي ربح السعفة الذهبية فمهرجان كان، وترشح 5 المرات فجوائز الأوسكار 2024، و11 ترشيح فجوائز سيزار 2024 ولاليست طويلة.
البرنامج كامل ديال الأفلام كين فالصفحة الرسمية ديال الاتحاد الأوروبي:
https://www.instagram.com/ue_au_maroc/
معلومات مفيدة:
مراكش: من 16 حتال 23 فبراير
طنجة: من 20 حتال 27 فبراير
الرباط: من 23 فبراير حتال 1 مارس