وكالات//
توفات الممثلة كيلي ماك، اللي كانت معروفة بدور “آدي” فالموسم التاسع من مسلسل The Walking Dead، عن عمر 33 عام، من بعد صراع مع واحد النوع نادر وخطير ديال السرطان، كيف ما علنات عائلتها فواحد المنشور على إنستغرام.
حسب جريدة “ديلي ميل”، الأطباء شخصو عندها سرطان الغليوما المنتشرة فوسط النخاع الشوكي، وهو نوع خبيث كيضرب الجهاز العصبي المركزي. بدات عندها الأعراض فشهر شتنبر 2024، كانت كتشكي من ألم كبير فأسفل الظهر وألم عصبي كيوصل لفخذها اليمين، حتى ولات مضطرة تنعس فكرسي متحرك لأسابيع بسبب شدة الألم.
الراديو بالرنين المغناطيسي باّن فيه وجود كتلة غريبة على النخاع الشوكي، ومن بعد العملية الجراحية، فقدات جزئياً القدرة على تحريك رجلها اليسرى، وبقات تستعمل الكرسي المتحرك.
رغم هاد الشي كامل، بقات كيلي متفائلة وشاركات قصتها مع المرض على مواقع التواصل، وكانت كتقصد تعطي الأمل للناس اللي عايشين نفس الظروف. دازت من علاج بالإشعاع البروتوني، وكانت ديما كتعبّر على الشكر للدعم والحب اللي توصلات بيه.