وكالات//
حكمات المحكمة على شابة عراقية سميتها رزان محمد بالحبس لمدة 4 شهور حيث كانت كتنشر فيديوهات وصور قالو عليها إنها “مسيئة”.
وقالت وسائل الإعلام العراقية أن المحكمة حكمات عليها بالحبس حيث المحتوى اللي كتقدمو رزان ماكيوافقش المعايير الأخلاقية والاجتماعية، وكان هذا بعد متابعة من طرف لجنة المحتوى الهابط فوزارة الداخلية.
القرار جا من بعد حوالي جوج ديال السيمانات من التوقيف ديالها، وهي اللي عندها تقريبا نص مليون متابع فالكونط ديالها على “إنستغرام” وأكثر من 700 ألف ف”تيك توك”، وكتنشر الفيديوهات على القناة ديالها ف”يوتيوب”.
رزان ديما كتتعرض لانتقادات بسبب الصور والفيديوهات الاستعراضية اللي كتنشرها، حتى تدخلات لجنة المحتوى الهابط فوزارة الداخلية ووقفاتها.
اللجنة ديال “المحتوى الهابط” فوزارة الداخلية كتخدم بشكل مستمر وكتقول إنها كتراقب المحتوى اللي ممكن يضر بالمجتمع.