كود هناء ابو علي ///
اليوم السبت بمقر وكالة المغرب العربي للانباء كان حفل تنصيب لفؤاد عارف للي كان دار ليه الراحل خليل الهاشمي الادريسي مجلس تأديبي باش كان مدير عام.
حفل جا بعد تعيين هاد عارف مدير عام لنفس الوكالة. الغريب ماشي حضور وزير الشباب والثقافة والتواصل بل حضور فؤاد يازوغ احد رجالات بوريطة.
هادا ما عندو علاقة بوكالة المغرب العربي للانباء وما عمر الخارجية كانت عندها علاقة٬ لكن هاد عارف جابو حقاش كان خدام عند بوريطة من 2019 اي من نهار دار ليه خليل الهاشمي مجلس تأديبي على رفضو الدخول من مكتب لاماب من واشنطن.
اليوم عوض ما يجيب مسؤول الخارجية لاماب وعوض ما يدخل ويخرج فالهدرة كان خاصو يعتاذر للوكالة لناس الوكالة على كل ما دار ايام كان مضارب مع خليل الهاشمي. كان كيفضل مصالحو الشخصية على مصالح المؤسسة اللي دار فيها كاريير ديالو
بدية بحال هادي كتبين معدن هاد الشخص. لو اعتاذر كان ممكن تطوى هاد المرحلة ولكن فضل يجي ويستقوى بوزارة بوريطة اللي دخل ليها بتوصية وهو عارفها منين جات