وكالات//
تباعة واحد اللوحة بلون واحد ديال الفنان الفرنسي إيف كلاين بثمن قياسي ففرنسا وصل لـ21 مليون دولار، حسب ما قالت دار المزادات كريستيز.
دار كريستيز وضحات بلّي اللوحة اللي سميتها “كاليفورنيا (IKB 71)”، عندها عرض ديال ربعة ديال المترات وطول ديال قرابة جوج مترات، وهي أكبر لوحة بلون واحد من هاد الفنان كاينة فمجموعات خاصة.
“Un record en France pour l’artiste”: un monochrome d’Yves Klein vendu 18,4 millions d’euros aux enchèreshttps://t.co/rXwRyRpKta pic.twitter.com/3Gxjs0iGsK
— BFMTV (@BFMTV) October 23, 2025
إيف كلاين، اللي توفى فـ1962 وكان عندو غير 34 عام، تشهر حيث هو اللي اخترع لون خاص بيه وسماه “الأزرق الدولي ديال كلاين” (IKB)، وسجّلو كبراءة اختراع. هاد اللون كيتكوّن من خليط بين الراتنج الصناعي، والألوان اللي ما كاتلمعش، والصباغات، وهاد الشي كيعطيه عمق بصري زوين بزاف.
دار المزادات أكدت بلّي الفنان كان كيشوف كل لوحة من لوحاتو اللي فيها غير لون واحد، مختلفة فـ”الجوهر والروح” ديالها، حتى وإن كانت كلها بنفس اللون.
واللوحة ديال “كاليفورنيا” ترسمات فبداية 1961، قبل ما يسافر لأمريكا لأول مرة وآخر مرة فحياتو، باش يعرض أعمالو فـنيويورك ولوس أنجلوس. وكلاين زوّق سطح اللوحة بحصى صغار، باش يعطيها شكل كيشبه “قاع البحر من تحت عمق المحيط الأزرق”، كيفما قالت كريستيز.