وكالات//
خداو العشاق ديال الألعاب دالإكس بوكس واحد النظرة عميقة على 5 دالألعاب جاية غادي يلعبوها قريبا، وهادشي كان فواحد الحدث سميتو Developer_Direct.
فهاد الحدث لي مشهور عند العشاق ديال ألعاب الفيديو فالمغرب، شافو عروض طويلة ديال هاد الألعاب لي غادي تطلق ف2024 لي ممكن ليها تلعب على لي بلاطفورم ديال إكسبوكس سبيرس إيكس وسيريس إس والبيسي الشخصي وخدمة Game Pass بالإضافة إلى خدمة اللعب السحابي.
وهاد الألعاب الـ5 هي:
لعبة Avowed – غادي يطلقوها فالخريف د 2024 وغادي تكون فليبلاطفورم ديال إكس بوكس سيريس إكس | إس وحتى البيسي الشخصي والكلود، هاد اللعبة كتعتابر أنها إضافة إلى سلسلة ألعاب ستوديوهات Obsidian الواعرة من الألعاب لي عندها طابع عميق.
لعبة Senua’s Saga: Hellblade II – غادي يطلقوها ف 21 مايو 2024 وغادي تكون فليبلاطفورم ديال إكس بوكس سيريس إكس | إس وحتى البيسي الشخصي والكلود، غادي تبدا فالأول بالخدمة ديال Xbox Game Pass، والزوين فهاد اللعبة انها غادي تكون باللغة العربية.
لعبة Visions of Mana – غادي تجي ف الصيف ديال 2024 وغادي تكون فليبلاطفورم ديال إكس بوكس سيريس إكس | إس وحتى البيسي الشخصي وهي أول جزء للعبة من هادي 15 عام.
لعبة Ara: History Untold- غادي تطلق فخريف 2024 على بلاطفورم الحاسب الشخصي. غادي تطلق اللعبة فالمرة الأولى على خدمة Game Pass:
لعبة Indiana Jones and the great circle – غادي تطلق في وقت لاحق من عام 2024 على لي بلاطفورم ديال إكس بوكس سيريس إكس | إس بالإضافة على البيسي الشخصي. غادي تبدا اللعبة النهار الأول على Xbox Game Pass.
بالنسبة للناس لي عزيز عليها ألعاب الفيديو، غادي يمكن ليهم يعرفو بزاف دالحوايج على ليفينمون ديال Developer_Direct من خلال هاد الموقع: Xbox Wire.