كود هناء ابو علي كازا ////
حوايج كثيرة ما راكباش فالمكتب الوطني للسياحة. يوم لثلاث 18 نونبر اي نهار عيد الاستقلال قدم المكتب الوطني للسياحة فشخص مديرو الفاشل اشرف فايدة فيلم “المغرب ارض كرة القدم” اللي دار بتسويق المغرب بمناسبة الكان. الفيلم بشراكة مع الجامعة الملكية المغربية لكرة القدم.
فسابقة اشرف بلا فايدة اللي كان فكوكا كمسؤول فاشل وجابوه لهاد المؤسسة الحيوية، ما عرضش على رئيستو اللي عيناتو وزيرة السياحة والصناعة التقليدية فاطمة الزهراء عمور. اييه ما عرضش عليها
قبل هاد الحدث كانت شي وحدة هي اللي كتكلف بتسويق صورتو وكانت دوزات هادي سنوات شي فترة قصيرة فالصحافة بالفرنسية، هاجمات عمور بدون سبب فشي موقع ديالها داير لفلوس كثيرة من السياحة.
المكتب الوطني للسياحة داير شراكة مع هادي فيها كلشي الا الشفافية.
هاجمات هاد السيدة ويستحيل تقرب ليها بلا تنسيق مع هاداك اشرف بلا فايدة ديال المكتب الوطني للسياحة، على لقاء دارتو فالرياض.
هاد السيدة كانت وراء تسريب اخبار استهدفات شركة للتواصل والعلاقات العامة وليڤيمانسيال، بتنسيق مع اشرف بلا فايدة، باش يبعدوها وتعطي المارشي لشركة كيسيرها شخص فشل يدير السياسة فحزب عيان. فشل فالوداد البيضاوي وكان طوكار ايام الرئيس سعيد الناصري.
نرجعو للقرار الغريب المثير باستثناء وزيرة السياحة لنشاط مكتب هي اللي كترأس مجلس ادارتو.
هادا بوحدو كيوجب اعفاء هاد بلا فايدة اللي حتى لغة الدستور العربية ما كيعرفش ليها وجابوه لهاد المنصب
خاص الوزيرة تتخذ فحقو قرار ماشي غير على تهميشها من الحفل بل حتى على اعطاء مارشيات لوحدة تخصصها مهاجمتها. راه هاد الشي عبثي