محمد سقراط-گود///
وافينك المقدم فينك القايد فينك اوزير الداخلية كولشي حضيتيه والفلسطيني لي كيتاجر باطفال الحوز خليتيه، في الوقت لي كانو خوتنا ليهود الاسرائليين كيعاونوا أطفال الحوز كانوا الفلسطنيين والسوريين كيتاجرو بيهم ويطلبو بيهم في التيك توك كيف ما مولفين يديرو بولادهم في المخيمات، عصابات محترفة من فلسطنيين وسوريين ومجهزة بآخر تقنيات السعاية التيكتوكيةً دخلات للمغرب، من بعد ما تاجرو ببلادهم وخربوها وباعوها، دخلوا للمغرب بباصبورات سويدية باش بتاجرو بأطفال المغرب ويسعلو بيهم ويصوروهم، وهادشي السلطات كتفرج نفس السلطات لي غير كيجبد صخفي موقع گود المحترم كاميرة يصور بيها كيوقفوا عليه جحافل رجال السلطة بمختلف انواعهم، بينما عصابة ديال العرب الأجانب داخلة تبيع وتشري في مأساة أطفال الحوز ماهدر معاهم حد، كون ما احد الشبان المغاربة الغيورين على الوطن وأبنائه لي فضحهم.
الشرق الأوسط عمرو جانا منو الخير كيحي غير الصداع والفريع والمشاكيل والايديولوجيات الهدامة والأفكار المتشددة في كاع الاتجاهات، سواء يمين او يساروديما كان عزيز عليهم يشوفوا المغرب مخرب مدمر ويلتاحق معاهم في الركب، وبما ان للمغرب رب يحميه وملك يصونه فراه ماوقع والو لحد الآن، شوف غير موشكيل الصحرا دول من آخر الدنيا كتسناد المغرب وسوريا لي دماء الجنود المغاربة باقا مانشفات من الجولان عمرهم كانوا مع المغرب بل العكس باغين بلادنا تقسم دويلات على غرارهم ولكن هيهات.
كيفاش الدولة بقات ملاهية مع الصحفيين الفرنسيين شكون لي عندو رخصة وشكون لا ، ومقابلة مصور موقع گود واش عندو رخصة وعلاش ختار الملاح يصور فيه وواش باغي يوصل حقيقة الملاح او باغي شي حاحة خرى منو، وهوما يسلتوا ليها هاد المجرمين ديال السوريين والفلسطنيين عباد الأورو والدولار والمتاجرين بمعاناة الأطفال، وگلسوا يسترزقوا بمعاناة أطفال المغرب ويهدرو على انهم كيموتوا بالجوع والفقر علما ان القوافل ديال مساعدات خوتهم المغاربة عمرها حبسات وكيتضرب بيها المثال في العالم، ولحد الان ماسمعنا حتى شي تعليق من الحكومة بخصوص هاد الفضيحة قولوا لينا وشرخوا كيفاش دخلوا هادو وكيفاش كيتاجروا بمآسي أطفال الحوز، والمقدم مقابل القفف شكون جا وشكون مشا.