علي الصافي كود الرباط//
وزير الصحة والحماية الاجتماعية الجديد امين التهراوي، كيتسناه ملف ثقيل مرتبط بتنزيل اتفاق سابق بين وزارة الصحة والنقابات، واللي تم التراجع عليه فمشروع قانون مالية 2025، حسب بيانات النقابات. وحسب مصادر نقابية لـ”كود”، فراه هادي فرصة باش النقابات يوجهو رسائلهم عن طريق التهراوي لرئيسو فالحزب وفالحكومة عزيز اخنوش، لأن هاد الاتفاق السابق بين الحكومة والنقابات تعطلت تسويتو”. بل أكثر من ذلك، فاليوم أثناء استقبال الوزير الجديد بمقر وزارة الصحة، واثناء تسليم السلط بينو وبين ايت الطالب، لوحظ تذمر كبير من الموظفين في الإدارة المركزية، واللي ما عجبهم هاد البروفايل. طبعا هادي مسرحية وجدها ايت الطالب والفريق اللي معاه. كان اسلوب حقير ومنحط.
وزير عينو سيدنا البارح واليوم بغاو يضربوه شي محسوبين على اللي كانو.
طريقة توديع ايت الطالب للوزارة، وضحات باللي الوزير الجديد غير مرحب به من نهار لول. كتوضح خطة مسامر الميدة اللي بغاو يبقاو حاكمين الوزارة
واش ايت الطالب يستاحق التصفيق؟ اللا. اليوم غاديين يخرجو اللي كانو مستافدين ماديا فجهات كثيرة باش يتيرو فالوزير الجديد
اول حاجة خاصو يديرها الوزير الجديد بعد ما يبعد عليه فريق ايت الطالب كولو٬ هو يعيط علي مفتشي المالية ماشي المجلس الاعلى للحسابات٬ ويديرو خدمتهم.
