كود سطات //
قرر وكيل الملك بابتدائية سطات زوال اليوم السبت ايداع شرطي يعمل بكازا السجن الفلاحي نواحي سطات ،وذلك بعد متابعته بالفصل 505 من القانون الجنائي ولي تيقول السرقة بالنشل ،مع احالة ملفه على هيئة الجنحي التلبسي بالمحكمة ذاتها التي ستعقد يوم الاتنين القادم من اجل محاكمته طبقا للقانون ، بعد تنازل الضحية الميركانية اللي لم يشفع له .
وكانت عناصر الفرقة الولائية لشرطة القضائية بولاية امن سطات احالت البوليسي صباح اليوم على انظار وكيل الملك بعد انتهاء فترة الحراسة النظرية ومجريات البحث التمهيدي بمقر الولاية .
وحسب معطيات خاصة ديال “گود” هاد البوليسي شفر لمواطنة امريكية الصاك ديالها، وفاش وصلات ونزلت فمراكش ملقاتوش وهي تحدد الموقع ديالو حيت كانت داير فيه GPS وهي ترجع لسطات وسجلت الشكاية ديالها فالمداومة .
المصدر ذاته قال ،ان بعد ما سجلات الشكاية اتحالت على الشرطة القضائية بولاية امن سطات ،بعدها رجعت الميركانية لGOS ولوكاليزاو البوليسي اللي شفرلها الصاك ليتم اخبار النيابة العامة المختصة ولي امرت بتوقيفه وتفتيش المنزل ديالو وتم العثور على الصاك ليتم وضعه تحت تدابير الحراسة النظرية.
