كود الرباط//
أثار القرار اللي دارت عمدة كازا، نبيلة الرميلي، سحب صندوق كتمشي ليه الملايير بدون رقيب ولا حسيب لصالح شركة التدبير المفوض “ليديك”، واللي غايولي تابع للجماعة وتحت مراقبتها، الجدل حول تدبير هاد الصندوق في عدد من المدن.
وحسب منتخب جماعي هضر مع “كود” فإن القرار مهم بزاف وثورة على شركات التدبير المفوض، خصوصا وأن الصندوق تايكون الشيفر دافير ديالو طالع بزاف وحتى معارفش فين كتمشي وفين غادا، فمثلا طنجة كيوصل شيفر دافير لصندوق الأشغال لي كتحكم فيه شركة أمانديس تقريبا 80 مليار سنويا وحتى واحد مكيعرف فين كتصرف.
هاد الصندوق كيتحكمو فيه أمانديس بدون موجب قانون، خصوصا وأنهم كيتخلصو من ربط التجزئات بالماء والكهرباء، وكتدخل 80 مليار سنتيم سنويا.
لذلك، المطلب باش يتم تحويل هاد الصندوق لشركة تنمية محلية، كان فوقت سابق بطنجة، لكن ضعف المنتخبين وعدم قدرتهم على إثارة الموضوع مع السلطات الولائية تسبب في تأجيل الحسم فهاد المطلب إلى أجل غير مسمى.
تصورو مداخيل صندوق الأشغال بمدينة طنجة، مثلا، كتحكم فيه أمانديس، وحتى رئيسة لجنة المراقبة الدائمة اللي تابعا للجماعة كتخلص من أمانديس وعندها تعويضات من أمانديس.
فضيحة كبيرة فهاد صندوق الأشغال، فلوس الدولة كتمشي لصالح شركات أجنبية بلا رقيب، وفق منتخب بجماعة طنجة هضر مع “كود”، مطالبا بضرورة افتحاص هاد الصندوق.
قرار مهم لعمدة الدار البيضاء، جاء فسياق مناقشة قانون الشركات الجهوية للي غايسالي مع التدبير المفوض، ولضبط فين كتصرف ملايير من المال العام.