كود بني ملال//
بوليس بني ملال شدو واحد الشخص متبوع بمجموعة من الشكايات بالنصب والاحتيال والسرقة.
هد الشخص كان تايتربص للمرضى وللأهل ديالهم بمحيط مستشفى بني ملال، وتايكدب عليهم وتايداعي بان له علاقات قوية مع اطر تعمل بالمستشفى، وتايشد من عند الضحايا مبالغ مالية مابين 200 درهم و1000 درهم، من أجل ولوجهم للخدمات الصحية بشكل سريع ومباشر .
الغريب تايقول مصدر “كود” ان هاد النصاب تايطلب الهاتف ديال الضحية ديالو لاجراء مكالمة هاتفية مع السبيطار، وتايهرب بالتيليفون.
هد المتهم تم التقديم ديالو في حالة اعتقال اليوم على أنظار القضاء لي غايقول الكلمة ديالو فهاد الجرائم الموجهة اليه.