كود – كازا ///
حاول مواطن روماني كيبلغ من العمر 42 عام يقلد الحراگة الجزائريين اللي كيتصدرو لاليست ديال اللي كينتاحلو الهوية المغربية فـ فرنسا. هاذ المواطن الروماني حسب جريدة لاغازيتا الاسبانية، معروف أنه مجرم خطير فـ البراكاج ديال محلات الذهب وقدر يضرب مجوهرات قيمتها مليون يورو.
لكن الغريب ف القصة ديال هاذ خونا، هو أنه كيدعي عمدا أمام الضحايا أنه من أصل مغربي، كما حدث فـ عملية سطو قام بها في 24 أبريل الماضي. الروماني اللي عندو سوابق في السرقة والاحتيال تشد، قبل أيام قليلة، من طرف عناصر من الشرطة الوطنية الإسبانية بمدينة مرسية.
وقدر المتهم يشفر مجوهرات غالية من محل مجوهرات كويتارا في أوفييدو، فـ 24 يونيو الفايت. وفـ 22 يوليوز الفايت، نفذ جريمته الثالثة بمدينة سالامانكا، حيث سرق محل مجوهرات غاليندو، وبدا كيغوث قدام الجميع بأنه مغربي باش كلشي يسمعو..