كود الرباط//
باختصار مفيد، مسؤول فالحكومة قال ل”گود” بلي هاد القضية ديال تجميد النظام الاساسي لموظفي التربية الوطنية غير تخربيق وكذوب. اللي كاين هو انه فعلا غايكون مرسوم تعديلي يخص هاد النظام.
دبا ماجد مخرجوش النصوص التطبيقة والمراسيم ديال النظام الاساسي، راه اصلا موقف، وفق ذات المصدر.
ولكن الخلاف كاين حول المهام ديال الأستاذ والي فين يدير درس وتقييم للتلاميذ باش نشوفو المستوى ديال التلميذ اما ساعات العمل متبدلاتش، ولكن يلا شاط شويا ديال الرقت يدير فيه دعم للتلاميذ لانهم كيمشيو للخصوصي ويخلص و الاسر معندهاش امكانيات.
الدعم المدرسي خصو يكون فمدرسة عمومية لفئات معندهاش امكانيات، وفق مصدر بوزارة التربية الوطنية، طبعا غايكون دعم مجاني.
وكشف ذات المصدر بلي الوزارة كاينا انشطة موازية بغيناها تدخل فطريقة التدريس بحال المسرح والشعر ووو..
بخصوص الاقتطاعات، اكد المسؤول بلي مازال متخادش فيها حتى قرار، وبلي اللجنة الوزارية للي مكلفة بهادشي غاتشوف الصيغة باش ابتداء من 20 نونبر يتوقف الاقتطاع، اما الشهر السابق وقبل منو الاقتطاعات ميمكنش التراجع عليها.