كود الرباط//
علمت “كود” أن خليهن الكرش، منسق مجموعة الكونفدرالية للشغل بمجلس المستشارين، اشتكى لوزير الداخلية، من استمرار سلطات مدينة العيون في منع أنشطة والأشكال الاحتجاجية لنقابة CDT.
وحسب مصادر “كود” فإن لفتيت، استمع بإنصات لشكاوى النقابي الكرش المتعقلة بالمنع المستمر لأنشطة النقابة ديالو فالعيون بقرارات كتابية من السلطات، وتفاعل معه وبلي غايشوف هادشي.
خليهن، تشكا من استمرار منع الوقفات والتضييق عليها، خصوصا ديال المعطلين المنتمين للنقابة لي هو مسؤول على الفرع ديالها فمدينة العيون.
المستشار البرلماني متشكاش غير لوزير الداخلية، بل حتى لبارح فلقاء لجنة العدل والتشريع، وصل صوتو لوزير العدل وقال بلي كاتكون خشونة ضد نقابة CDT فالعيون وكيكون ديما المنع ديالها.
تبركيكة لي جابت “كود” هو أن نقابة سيديتي فالعيون عندها مشكل مع ولد الرشيد، الرجل النافذ فالصحراء واللي متحكم فدواليب مدينة العيون. طبعا هاد النقابيين كيشوفو بلي ولد الرشيد رجل “مهيمن”.