كود مكناس//
قال وزير الاقتصاد والصناعة الإسرائيلي نير بركات، اليوم الأربعاء، من مكناس، بلي “العلاقة بين المغاربة والإسرائيليين دامت آلاف السنين، واليهود ديما مرحب بيهم فالمغرب وكيتمتعو بالحب والأمان”.
وأضاف بركات، خلال كلمة له بالجناح الخاص بدولة إسرائيل بالمعرض الدولي بمكناس: “من تجربتي الشخصية كاين الحب والضيافة فالمغرب “. وتابع: “بغيت نشكر المغاربة على هاد العلاقة الرائعة.
وبغيت نشكر الملك محمد السادس على الخطوة الزوينة وخلق السلام مع إسرائيل والمغرب دبا جزء من اتفاقيات ابراهيم اللي خلقات علقات سلمية بين البلدين. وعلى باش نكونو هنا أول مرة ونديرو بيزنيس مع المغرب “.
وأضاف: “بغيت نشارك معاكم نظرتي الاقتصاد الإسرائيلي وكفاش مرتبطة بالفكرة والنظرة اللي شاركت البارح مع الوزير ديال الاقتصاد ديالكم، إسرائيل بلد متوجه للتكنولوجيا
وزاد موضحا: “الهدف ديالنا نطورو هاد الشركات فعشرين عام والساروت ديال النجاح ديالنا هو العلاقات الدولية ونطورو المعارف أكثر والخبرات حول العالم وعندنا علاقات مزيانة مع الولايات المتحدة الأمريكية”.