كود – كازا ///
تمكنات قوات الحرس المدني الإسباني من توقيف 12 حراگ، البارح الأحد، مباشرة بعد ما وصلو إلى شاطئ “كاستيل دي فيرو” الواقع فـ مقاطعة غرناطة.
وحسب مواقع إخبارية، هاذ المجموعة ديال الحراگة اللي كان فيها قاصر وصلو للجزيرة الإيبيرية في فلوكة صغيرة، وتم رصد وجودهم داخل البحر مع 4 ديال الليل.
وحسب المعطيات المنشورة، فقد تم نقلهم من طرف دورية بحرية إلى ميناء موتريل، وتقدمات ليهم الإسعافات الأولية والرعاية اللازمة. وتحالو على البوليس اللي رسلهم لمركز الاستقبال المؤقت للمهاجرين.