كريم الصوفي – كود//

[email protected]

قالت جريدة “إنفورماثيون” الإسبانية، أن “لاگوارديا سيبيل” حددو هوية 6 ديال البولنديين عندهم علاقة بالاختفاء الغامض لشاب مغربي غبر ليه الاثر هاذ 8 شهر فـاسبانيا، حيث تم اعتقال 3 منهم فـ فرنسا ومتهم رابع فـ ألمانيا.

وأضافت الجريدة الإيبيرية، أن التحقيقات كتركز على فرضية قتل الشاب المغربي بالرصاص بعد العثور فـ شاليه بمنطقة آسبي الإسبانية على مقذوفات نارية وأثار للحمض النووي ديال المتهمين وبقع دم ومخدرات وبزاف ديال البصمات.

وحسب المصادر ذاتها، تم العثور على صكوليط فـ طوموبيل على بعد 500 متر من الشاليه، فـ انتظار التأكيد الرسمي من خلال اختبارات الحمض النووي، كما اعترفات صاحبة المغربي أن الحوايج والسبرديلة اللي تلقاو مع الصكوليط هيا اللي كان لابسها الضحية مني غبر ليه الاثر فـ 25 ماي 2022.

https://www.informacion.es/sucesos/sucesos-en-alicante/2023/02/26/cuatro-apresados-francia-alemania-matar-83691625.html

إقرأ الخبر من مصدره