گود سبور//
ضيعو الرجاء الرياضي فرصة باش يبعدو بصدارة البطولة الاحترافية، بخسارة مع نهضة بركان ضمن الدورة 22، وفقلب ستاد دونور اليوم الاربعاء.
الرجاء الرياضي خسرو مع نهضة بركان بنتيجة واحد لزيرو، وهو الهدف اللي قدرو يماركيوه نهضة بركان فالدقيقة 76 ضد مجرى اللعب حيث الرجا كانو مسيطرين ولكن بلا خطورة، الهدف ماركاه لبركان بول فاليري باسيني، واللي خرج مورها مباشرة بالحمرا حيث دار حركة خايبة وماشي رياضية للجمهور.
الرجاء الرياضي ضيعو تاني 3 نقاط، وتراجعو من الصدارة للمركز الثالث وبقات عندهم 42 نقطة، أما نهضة بركان ومن بعد هذا الرباح رجعو فلاكورس د البطولة وخداو المركز الثالث وعندهم 43 نقطة، وولات نقطة وحدة بينهم وبين المتصدر المغرب الفاسي 44 نقطة.
