گود سبور//
رجعو الوداد الرياضي ثاني لتضييع النقاط، وخسرو مع اتحاد طنجة اليوم الاربعاء فتيران طنجة الكبير ضمت الدورة 22 من البطولة الاحترافية.
الماتش بين اتحاد طنجة والضيف ديالو الوداد الرياضي سالا بنتيجة 2-1 لمصلحة طنجاوا، وبعدما كانو الوداد رابحين بواحد لزيرو بهدف ماركاه لهم محمد مفيد فالدقيقة 61، قدرو يماركيو طنجة التعادل بهدف ديال لاعبهم غربة فالدقيقة 74، وزادو الهدف الثاني بواسطة لعروش فالدقيقة الأخيرة.
هذه الخسارة خلات الوداد الرياضي تبقى عندهم 40 نقطة وبقاو فالمركز الرابع، واتحاد طنجة ولات عندهم 26 نقطة ومحتلين المركز 10.
