گود سبور//
ما بقى للدولي المغربي أشرف حكيمي غير يسني العقد ديالو الجديد مع باريس سان جرمان الفرنسي، حيث اتفقو معه على كلشي وتمديد العقد اللي كان غايسالي عام 2026.
وكشف الإعلامي الإيطالي فابريزيو رومانو، صباح اليوم الاثنين، أن باريس سان جرمان اتفقو مع أشرف حكيمي على الصالير الجديد ومدة العقد الجديد اللي غايكون بين الجانبين.
ويعتبر أشرف حكيمي مول الـ25 عام، من العناصر الأساسية والمهمة لباريس سان جرمان، سوا فهاد الوقت او للمستقبل ومعولين عليه بزاف لبناء فريق تنافسي للتتويج بالألقاب الأوروبية وأولها شومبيونزليگ.
