كود سبور//
قرر الناخب الوطني وليد الركراكي تعويض الگول ياسين بونو اللي توعت فماتش البارح السبت ضد إفريقيا الوسطى، بالگول ديال نهضة بركان المهدي مفتاح.
وأكدت مصادر “گود” أن الناخب الوطني وليد الركراكي وجه الدعوة للمهدي مفتاح الدوزيام گول ديال نهضة بركان باش يلتحق بالمنتخب المغربي فمدينة السعيدية، استعدادا للماتش ضد إفريقيا الوسطى الثلاثاء الجاي برسم الجولة الرابعة من إقصائيات كأس إفريقيا 2025.
وحسب نفس مصادر فالمهدي مفتاح التحق بالمنتخب الوطني المغربي فالإقامة ديالو بمدينة السعيدية، وحاضر دابا مع المجموعة فحفل تكريم اللاعبين السابقين ديال المنتخب المغربي من جهة الشرق اللي منظماه الجامعة الملكية المغربية لكرة القدم.
