گود سبور//
شرا النجم المغربي نصير مزراوي الظهير الايمن ديال مانشستر يونايتد النگليزي طموبل بنتلي بقيمة 200 ألف جنيه إسترليني، وتزاد على صحابو للي كايحماقو على الطوموبيلات الفرهة حسب ما ذكرت جريدة “ذا صن” البريطانية.
وحسب نفس المصدر، فنصير مزراوي شرا موديل بنتلي بنتايگا إس بلاك إديشن، ووضحت الجريدة أن هذا الطوموبيل مثالية للمدافع المغربي وفيها مجموعة من المميزات بالإضافة إلى معايير السلامة والأمان.
وكملت الجريدة، وكشفت أن نصير مزراوي مول الـ26 عام، ملي خدا هاد الطوموبيل ولى بحالو بحال صحابو فمانشستر يونايتد ماركو راشفورد، وبرونو فرنانديز، وكاسيميرو اللي عندهم كاملين طوموبيلات بينتلي من الدرجة الاولى.
