گود سبور//
تجاوز أمين عدلي صدمة وفاة الام ديالو والإقصاء من ثمن نهائي كاس افريقيا “الكوت ديفوار” مع المنتخب الوطني المغربي، وقدر يرجع يتألق مع فريق باير ليفركوزن فالبطولة الالمانية.
أمين عدلي اللي كيتعتبر من ركائز باير ليفركوزن قدر يماركي هدف للفريق فالماتش اللي بادي دابا ضد شتوتگرت ضمن ربع نهائي كاس ألمانيا، وهو هدف التعادل لباير ليفركوزن فالدقيقة 66 بعدما كان الفريق خاسر بنتيجة 2 لواحد.
يقدر هذا التألق مع باير ليفركوزن، يخلي امين عدلي يبدا صفحة جديدة خصوصا وان اللاعب داز الاسابيع اللي فاتت من وقت صعيب، حيث توفات له الأم ديالو ومن بعدها تقصا مع المنتخب المغربي من ثمن نهائي كوب دافريك.