گود سبور//
عبر البرتغالي جواو ساكرامنتو المساعد الأول للناخب الوطني محمد وهبي، على الفرحة ديالو حيث خدم فالطاقم د المنتخب الوطني المغربي، وأن التوقف الدولي اللي فات خلاه يكتشف حوايج زوينين وفريدين الكاريير ديالو.
جواو ساكرامنتو اللي فايت خدم مع المدرب البرتغالي جوزي مورينيو، نشر تدوينة فإنستغرام على الترجمة ديالو فالجوج ماتشات الأولين له مع المنتخب الوطني المغربي واللي وكانو وديين ضد كل من الإكوادور والباراگواي وقال: “كان هاد الأيام الاولى اللي داز كثر من مرحلة تدريب، كانت انغماس حقيقي فالثقافة والطاقة والشغف اللي نادرين”.
وكمل الإطار البرتغالي وقال: “هنا ما كايناش غير الكورة بوحدها، ولكن كاتعاش وكاتحس وكاتدافع عليها بالقلب، واكتشفت مجموعة موهوبة وملتزمة ومتواضعة گروب متماسك بالقيم ديالو، وكان شرف كبير ليا نشارك معهم هذا الشي”.
وأكد جواو ساكرامنتو: “تمثيل بلد كاتعتبر فيه الكورة هوية وحب جماعي هو شرف عظيم ليا، شكرا لكم على الترحيب”.