كود سبور//
اكد التونسي فوزي البنزرتي مدرب الوداد الرياضي انه باقي مع الوداد الرياضي، واخا الفريق تقصى من دور مجموعات دوري أبطال افريقيا.
وتأسف فوزي البنزرتي بعد الماتش اللي ربحوه الوداد الرياضي ضد أسيك ميموزا، واكد ان الوداد الرياضي فريق كبير وعندو حمهور كبير وما موالفش يتقصى من دور المجموعات، ولكن هذا الشي وقع فهاد الموسم.
ووضح فوزي البنزرتي انه ملي جا للوداد حاول يعتق الفريق من الوضع اللي فيه والأمور بدات كتحسن ولكن ما قدروش يتكاليفاو لربع النهائي و واخا هكذاك اللاعبين عطاو اللي عندهم، واكد انه مازال فالوداد وما غيمشي وانه دابا غيبداو يوجدو للاستحقاقات المقبلة اللي عندهم.