گود سبور//
باغيين الرجاء الرياضي يساليو الميركاتو الشتوي الحالي اللي غادي يحبس اليوم السبت، بجوج صفقات لتدعيم صفوف الفريق.
مصادر مطلعة كشفت ان الرجاء الرياضي قدرو يحسمو صفقة لاعب وسط تيران دفاعي غيني وهو بالا كونتي ديال يانگ افريكانز التنزاني، وغادي يلعب مع الخضرا بريطي لمدة 6 اشهر مع إمكانية شراء العقد بشكل نهائي.
اما الصفقة الثانية، فالرجا حاطين العين على الودادي السابق ايوب العملود، الظهير الأيمن ديال الخالدية البحريني، وباغيين يسنيو معه خلال الساعات القليلة المقبلة، وكايتسناو موافقة اللاعب وحتى شي حاجة ما تحسمت حتى لدابا.