كود سبور//
أثار اعتماد الناخب الوطني وليد الركراكي على الأمهات ديال اللاعبين المغاربة فكأس العالم قطر 2022، اعجاب العديد من المتتبعين عبر العالم، ومن بينهم الفرنسيين، حيث RMC الفرنسية نشرت حوار نقلا عن ELPAIS الإسبانية مع وليد الركراكي، كشف فيه على الدور اللي لعبوه امهات اللاعبين المغاربة في تحقيق المنتخب الوطني المغربي لإنجاز الوصول إلى نصف نهائي كأس العالم 2022.
وتكلم وليد الركراكي في حوار له مع الجريدة الإسبانية وقال: “راه الامهات ضواو علينا وجهونا، حيث عادة اللاعبين كيدوزو الوقت مع البنات، وشبكات التواصل الاجتماعية، والمجوهرات، والتصاور ، والرولكس، ولويس فويتون، والنظاظر وغيرها، و في كأس العالم 2018 في روسيا كانت بزاف ديال المشاكل حيث اللاعبين جابو معهم وكلاءهم وصحباتهم وصحابهم إلى المعسكر التدريبي”.
وكمل وليد الركراكي: “أنا بدلت هادشي وسمحت فقط للامهات والزوجات والأطفال والإخوة والأخوات والآباء بالبقاء تما معنا بالمعسكر وعيطت للاعبين يختارو منهم شكون يجي معهم داكشي علاش جابو الامهات وهما اللي كانوا بزاف”.
الركراكي قال أيضا: ” الأمهات مما اللي قادرات على لم شمل ولادهم وبفضل وجودهم ما كانوش اللاعبين كيتفرقو، راه الامهات كيديرو النظام، كانوا مهمين بزاف بالنسبة ليا، حيث دائرة الأسرة كتدور عليهم، وبالنسبة لينا الام اللي كتجمع العائلات يوم الجمعة حول سكسو حاجة مهمة، وراه دارو كروب فواتساب كينظموا فيه كلشي”.
https://rmcsport.bfmtv.com/football/coupe-du-monde/maroc-elles-font-regner-l-ordre-regragui-explique-le-role-des-meres-des-joueurs-durant-l-epopee-au-mondial-2022_AV-202303280312.html