كود سبور//
عبر الناخب الوطني وليد الركراكي عن الافتخار ديالو بالوداد والرجاء والجماهير ديال الفريقين وأنه كان جزء من الكرة بمدينة الدار البيضاء ملي درب كازا، ونصح جماهير الكرة بالعالم للسفر للعاصمة الاقتصادية للمغرب من أجل متابعة الديربي بين الفريقين.
وخلال حوار له مع موقع “CARRŔ” قال وليد الركراكي: “اذا كان الواحد غيمشي يسافر إلى بوينس آيرس بالارجنتين باش يتفرج ف البوكا والريفر، راه خاصو يمشي لكازابلانكا، باش يشوف الوداد والرجاء، راه عندهم جماهير واعرة، والدار البيضاء مدينة ديال الكرة ولينرجي اللي فيها قليل بحالها فالعالم”.
وكمل الركراكي وقال: “العام اللي دوزتو بالوداد كانت 45 ألف متفرج كتجي تحضر فكل ماتش، وشاك ماتش فيه تيفو والجمهور كيغني المباراة كلها، وهي تجربة زوينة يعيشها أي واحد كان لاعب او مدرب أو مشجع، وراه ولو ما يكونش عندك مع الكرة الإفريقية خاصك تشوف ديري “واك راجا”.