كود سبور//
نفى وليد الركراكي مدرب المنتخب الوطني المغربي لكرة القدم، كل ما راج حول أن أشرف حكيمي جاي مصاب من عند الفريق ديالو باريس سان جرمان الفرنسي، وقال انه لاباس عليه، وواجد باش يلعب ضد أفريقيا الوسطى غدا السبت برسم اقصائيات كاس أفريقيا 2025، وغايكون هو الكابيتان.
وقال وليد الركراكي خلال الندوة الصحافية قبل ماتش المغرب وأفريقيا الوسطى: “أشرف حكيمي ديما فالفورما وغايكون غدا، تدرب مزيان وغايكون كابيتان فالماتش ديال غدا، هو قائد وديما كانعاودها، واحد الإنسان اللي كايبغي بلادو وكايغي المنتخب وهو مثال لللاعبين الشباب واختار المغرب فواحد الوقت اللي ما كانش ساهل، وديما كانقولها أنا فخور كمدرب يكون عندي لاعب بحال أشرف حكيمي”.
