كود سبور//
اعترف الدول الكرواتي ماتيو كوفاسيتش بقوة المنتخب الوطني المغربي قبل من ماتش ديال منتخب بلادو أمام المغرب غدا السبت فماتش تحديد المركز الثالث والرابع فكأس العالم قطر 2022، ولكن أكد بلي غادي يدخل هو وصحابو لتحقيق الفوز.
وقال ماتيو كوفاسيتش خلال الندوة الصحافية اللي كتسبق ماتش المنتخب الوطني المغربي ضد كرواتيا: “قبل ما يبدأ كأس العالم كنا عارفين ان المغرب خصم قوي، لعبنا معاه فالماتش الأول وغادي نلعبو معه مرة ثانية”.
وكمل الدولي الكرواتي وقال: “كنظن أن المباراة غادي تكون صعبة وغادي نديرو اللي فجهدنا لتحقيق الفوز، المغاربة عندهم بزاف الإمكانيات، وكنعرفوهم مزيان وغادي نديرو جهدنا باش نربحوهم”.