كود سبور//
خدامين الوداد الرياضي كايوجدو للموسم الرياضي المقبل، اللي بقات له غير أيام قليلة ويبدا، وغايلعبو ماتش أميكال جديد اليوم الجمعة.
ومشاو الوداد الرياضي بقيادة المدرب رولاني موكوينا اللي يالاه جا من جولة فالبرازيل مع رئيس النادي هشام ايت منا، (مشاو) لمدينة خريبكة باش يلعبو اليوم الجمعة ماتش أميكال ضد أولمبيك خريبكة.
وغايبدا الماتش الودي بين الوداد وأولمبيك خريبكة اليوم الجمعة مع 7 العشية فتيران الفوسفاط، وهي فرصة مهمة للفريق الأحمر لاختبار جاهزية الفريق قبل الدورة 1 من البطولة اللي غايلعبو فيها ضد المغرب الفاسي يوم الجمعة 31 غشت.