كود سبور//
قررت مكونات نادي الوداد الرياضي برئاسة سعيد الناصيري، تدافع على النادي والصورة ديالو ضد كل ما راجع مؤخرا حول تلقي النادي لأموال مشبوهة.
وكشف المهدي الزوات الناطق الرسمي للوداد الرياضي والمحامي ديال النادي فتصريح لموقع “كود”، أن الواك نصب راسو اليوم الخميس طرف مدني، فالملف الجنحي اللي كتابع فيه النيابة العامة المدون “أ.ب” بتهمة نشر ادعاءات كاذبة والتشهير بالاشخاص، للمطالبة بالحقوق ديالو بعدما تعرض للضرر جراء ما كان كينشر وكيقول هذا المدون.
المهدي الزوات وضح الملف تأجل حتى جلسة 28 دجنبر الحالي، واكد ان الوداد الرياضي والمكونات ديالو غيدافعو عن صورة النادي بكل الطرق القانونية والمشروعة اللي كيمنحها القانون فهادشي.