كود سبور//
حقق فريق الجيش الملكي النسوي إنجاز غير مسبوق وتأهل اليوم الأربعاء، لفينال دوري ابطال إفريقيا سيدات، من بعدما ربح باييلسا كوينس النيجيري فنصف النهائي.
وتمكنو ليفار من تحقيق الرباح على كوينس النيجيري فالماتش اللي تلعب فتيران مولاي الحسن فالرباط بنتيجة واحد لزيرو، والبيت ديال العسكريات ماركاتو ابتسام الجريدي فالدقيقة 27 من عمر المواجهة وظلت النتيجة كيفما هي حتى سالا الماتش.
وكيتعتبر تأهل الجيش الملكي إلى نهائي دوري أبطال إفريقيا للسيدات إنجاز غير مسبوق فكرة القدم النسوية المغربية، مع العلم أن النسخة الأولى من شومبيونزليك اللي تلعب فمصر العام الماضي حتل فيها الفريق المركز الثالث، كيطمح دابا باش يتوج بالنسخة الثانية اللي كيحضتنها المغرب وغادي لعبو العسكريات الفينال مع فريق ماميلودي صن داونز الجنوب حامل لقب النسخة الماضية.
