كود سبور//
أكد محمد بودريقة المرشح لرئاسة الرجاء الرياضي أنه مرتاح لردود أفعال منخرطين النادي، وهذا الشي بعدما دار معهم اجتماع شرح لهم فيه البرنامج ديالو.
موقع “كود” سول محمد بودريقة مباشرة بعدما سالا الاجتماع مع المنخرطين د الرجاء على النفسية ديالو واش كيحس براسو قريب أنه يربح منصب الرئاسة فالسباق ديالو مع حسبان؟ وجاوب وقال: “أنا ديما مرتاح، والنية ديالي حسنة وعندنا القناعة ورئاسة الرجاء ما عندها ما تعطيني وما عندها ما تزيدني حيث عندي العمل الشخصي ديالي والمنصب السياسي اللي كنشتغل فيهم”.
بودريقة وهو كيبان ناشط بعد اجتماع طويل مع المنخرطين دام لحوالي 5 ساعات، شرح لهم البرنامج ديالو وجاوب على أسئلتهم، كمل التصريح ديالو وقال: “راني جاي فقط نمد يدي للرجاء حيث الفريق اللي عطانا شحال هادي، وإذا المنخرطين عجبهم الحال أهلا وسهلا وإذا عجبهم حسبان الله يسهل الأمور”.
