كود سبور//
نفى محمد بودريقة رئيس الرجاء الرياضي علاقتو بالبارطاج ديال كلاش الجماهير الرجاوية لجماهير الوداد الرياضي، اللي طلع فديربي الفريقين واللي فيه تخسار الهضرة.
وخرج محمد بودريقة باش يكذب واحد التغريدة باسم حسابو فتويتر، فيها صورة لميساج طلعو جمهور الرجاء كلاش الجمهور الوداد فالديربي، ونفى بودريقة على فيسبوك أن يكون عندو حساب تويتر أصلا باش ينشر هاديك التغريدة وقال: “حساب على تويتر لا يخصني، وليس لدي حساب على تويتر ومبروك للجماهير الرجاوية التأهل النهائي”.
وتأهل الرجاء الرياضي إلى نهائي كأس العرش بعدما ربح فالدومي فينال فريق الوداد الرياضي، اليوم الأحد فستاد دونور فديربي مثير، بواحد لزيرو.
https://www.facebook.com/100044402467262/posts/pfbid02qyJLf47BcXnVFVCzcHMye94HQVAGzkXvmqWfUw1jFkJiMbrc1bLSAUYsw6SwX7mVl/?mibextid=cr9u03