گود سبور//
مازال ما اختار اللاعب المغربي-الفرنسي أيوب بوعدي لاعب ليل ففرنسا، المنتخب اللي غادي يلعب معه واش المنتخب المغربي ولا الفرنسي.
وقال ايوب بوعدي لاعب المنتخب الفرنسي أقل من 21 عام، فتصريح نشراتو الصحافة الفرنسية: “مازال ما قررت، واختيار المنتخب الوطني راه قرار مصيري فالكاريير ديال أي لاعب، وعاطي لراسي شويا د الوقت، وما باغيش نزرب”.
الصحافيين الفرنسيين سولو بوعدي واش التردد ديالو عندو علاقة بكأس العالم الجايا، وجاوب وقال: “لا ما عندوش علاقة بالوقت، هذا اختيار شخصي ونابع من القلب، وداخلين فيه حتى عائلتي وحبابي اللي قراب ليا اللي خاصني ندير بحسابهم، وكاين حتى شي ضغط فهادشي”.