كود سبور//
غيتحرم الرجاء الرياضي من النجم الجديد ديالو المهدي موهوب خلال المرحلة المقبلة بسبب الاصابة، اللي تعرض فالماتش البارح الاحد امام المغرب الفاسي ضمن الجولة 3 من البطولة الاحترافية.
وكشفت الفحوصات اللي خضع لها المهدي موهوب المهاجم الجديد الرجاء، أن عندو شق فالشوفية ديالو، الشي اللي غيخليه يغيب على الفريق لمدة كتوصل لشهرين للعلاج والراحة من الاصابة اللي تعرض لها فأول ماتش له مع الفريق.
المهدي موهوب اللي حابوه الرجاء الرياضي من الفتح الرياضي فصقة وصلت قيمتها 300 مليون سنتيم، كيتعتبر من العناصر اللي معولين عليهم الرجاويين هذا الموسم لتقوية هجوم الفريق.