كود سبور//
تأهل الدولي براهيم دياز مع ريال مدريد الإسباني إلى نهائي دوري أبطال أوروبا، بعدما ربحو فروتور الدومي فينال اليوم الاربعاء بايرن ميونخ الالماني ومعهم المغربي الاخر نصير مزواري فسانتياگو برنابيو فمدريد.
وسالا ماتش روتور الدومي فينال بين ريال مدريد وبايرن ميونخ بنتيجة 2 لواحد لمصلحة الفريق الاسباني، وقدرو يماركيو البايرن هما الاولين فالماتش بهدف فالدقيقة 68، بواسطة ألفونسو ديفيز اللي ضرب الكورة بجهد وصيفطها نيشان لشبكة ريال مدريد، وفالوقت اللي كلشي كان كيشوف فيه ان البايرن صافي غايتأهلو قدرو ريال مدريد يرجعو فالماتش وضربو التعادل فالدقيقة 88 وزادو الهدف الثاني فالدقيقة 90 وبجوجهم ضربهم خوسيلو.
وعرف الماتش مشاركة المغرب نصير مزراوي من جانب بايرن ميونخ وكان النيفو ديالو مزيان، وبالمقابل كان براهيم دياز احتياطي مع ريال مدريد وما دخل حتى للدقيقة 81.
وبهذا الرباح تأهلو ريال مدريد لفينال شومبيونزليگ ومعهم المغربي براهيم دياز، بمجموع نتيجة لالي والروتور اللي هي 4 لثلاثة وتقصاو بايرن ميونخ، وغايلعبو ريال مدريد ضد بورسيا دورتموند فالفينال اللي تأهلو البارح الثلاثاء ملي ربحو باريس سان جرمان الفرنسي والنهائي ملعوب فتيران ويمبلي.
