كود سبور//
عبر الدولي المغربي سفيان رحيمي على الفرحة ديالو بعد الرباح اللي حقق المنتخب المغربي على الأرجنتين البارح الأربعاء خلال الجولة الأولى من دور مجموعات أولمبياد باريس2024.
وهضر سفيان رحيمي اللي ماركا الهدفين بجوج ديال المغرب على الأرجنتين فالماتش اللي سالا بنتيجة 2 لواحد، وقال فتصريح للموقع الرسمي ديال الجامعة الملكية المغربية لكرة القدم: “فرحانين بفرحة الشعب المغربي بهاد نتيجة الرباح ونتمناو نكملو فهاد المسار ونحافظو على صدارة الترتيب باش نتأهلو للدور الجاي”.
وكمل سفيان رحيمي: “وبخصوص الهدفين اللي ماركيت تماركاو بمشاركة جماعية وكنشكر الزملاء ديالي على القتالية والتركيز فالماتش كامل بالرغم من بعض الظروف اللي وقعو فالمباراة وكانشكرهم”.
وأكد سفيان رحيمي: “هذا الشي غير بداية ونتمناو نكملو فهاد المستوى باش نمشيو بعيد، وعلاش لا نكونو من المرشحين للتتويج باللقب”.