گود سبور//
ربح ريال مدريد الغريم ديالو البارصا فـ كلاسيكو الصبليون اليوم الأحد فـ تيران سانتياگو برنابيو برسم الجولة 10 من لاليگا.
وسالا الكلاسيكو بين ريال مدريد والبارصا بنتيجة 2 لواحد لمصلحة المدريديين، وماركا كيليان مبابي الهدف الاول لريال مدريد فـ الدقيقة 22، والبارصا ماركاو التعادل فـ الدقيقة 38 بواسطة فيرمين لوبيز، قبل ما يماركي الهدف الثاني لريال مدريد بيلنگهام فـ الدقيقة 43.
بهذه النتيجة هربو ريال مدريد بصدارة لاليگا، ورفعو رصيدهم إلى 27 نقطة، والبارصا بقات عندهم 22 نقطة.