وكالات//
مزال الزواج ديال اللاعب البرازيلي الجديد في ريال مدريد، إندريك، مع مراتو لي كبر منو بـ5 سنين، داير البوز في الصحفة ديال البرازيل والعالم.
وآخر التطورات ديالو، هو أن بزاف ديال التقارير الصحفية هضرات على الشروط الغريبة لي دايرينها فهاد الزواج.
وكتقول التقارير أنه من بين هاد الشروط، أنه ممنوع شي واحد يقول “أوكي” في الحوارات لي كتدور بيناتهم، وديما يقولو لبعضياتهم كنبغيك فكل نهار.
وأكدات نفس التقارير أنه لي غادي يخرق هاد القواعد غا يخلص شي حاجة في آخر الشهر، وبصح ايندريك شرا ليها أيفون وشي سماعات، بعدما غلط فشي وحدة من الشروط.
وكشفات نفس التقارير أن العائلة ديال النجم الصاعد في سماء الكرة البرازيلي ماراضياش مزيان على هاد الزواج بسبب الفرق ديال العمر لي بيناتهم.
